Nazarbaev ýnıversıtetin qarjylandyrý kólemi jyldan-jylǵa azaıyp keledi
ASTANA. QazAqparat – Bıyl Nazarbaev ýnıversıtetin qarjylandyrýǵa az qarajat bólindi. Bul týraly QR Ǵylym jáne joǵary bilim mınıstrligi málim etti, dep habarlaıdy QazAqparat tilshisi.
«2020 jyly Nazarbaev ýnıversıtetin qarjylandyrýǵa respýblıkalyq bıýdjetten 55 243 246,6 myń teńge, 2021 jyly – 57 384 102,2 myń teńge, 2022 jyly – 45 038 666,7 myń teńge, al 2023 jyly – 42 571 878,8 myń teńge bólindi. Sońǵy eki jylda qarjylandyrý somasy ótken jyldarmen salystyrǵanda azaıdy», - dep jaýap berdi mınıstrlik QazAqparat saýalyna.
Buǵan deıin Májilis depýtaty Ashat Aımaǵambetov Nazarbaev ýnıversıteti men zııatkerlik mektepter anaǵurlym ashyq bolýy kerektigin aıtqan edi.
