Nazarbaev Ýnıversıtetin doktorantýra baǵdarlamasynyń alǵashqy toǵyz túlegi támamdady
ASTANA. QazAqparat - Bıyl alǵash ret Nazarbaev Ýnıversıtetin doktorantýra baǵdarlamasynyń toǵyz túlegi támamdady, dep habarlaıdy QazAqparat.
Búgin atalǵan oqý ornyn bitirgen túlekterge dıplom tabystaý rásimi ótip jatyr. Sonymen qatar bıylǵy oqý bitirýshilerdi arnaıy quttyqtaý úshin Elbasy Nursultan Nazarbaev keledi dep kútilýde. Saltanatty oqý bitirý rásimine stýdentter, olardyń ata-analary, sondaı-aq oqytýshy-professorlar quramy, iri ulttyq kompanııalardyń basshylary jáne basqa da qonaqtar qatysýda.
Atap aıtqanda, Qazaqstan Prezıdentiniń bastamasymen 2010 jyly qurylǵan Nazarbaev Ýnıversıteti otandyq bilim berýdiń kóshbasshysy bolyp tabylady. Bıyl oqý bitirgen stýdentter sany 737 adam,onyń ishinde bakalavrıat baǵdarlamasy boıynsha 499 túlek, magıstratýra baǵdarlamasy boıynsha 229 stýdent jáne PhD dárejesine ıe bolǵan doktorantýra baǵdarlamasynyń eń alǵashqy 9 túlegi bar. Erekshe úlgidegi dıplomǵa75 túlek ıe boldy.
«Nazarbaev Ýnıversıtetiniń doktorantýra baǵdarlamasynyń eń alǵashqy 9 túlegi týraly aıtsaq, bul Ýnıversıtettiń aldynda turǵan eń negizgi mindetterdiń biri - Qazaqstannyń joǵary bilim berý júıesi men ǵylym salasynda reformalardy júrgizýge kómek kórsetýdi bildiredi. Osy salada Nazarbaev Ýnıversıteti flagman bolyp tabylady jáne alǵashqy toǵyz doktorantymyzdyń barlyǵy ózimizdiń Joǵary bilim berý mektebiniń túlekteri bolǵanyn biz maqtan tutamyz. Olar birinshi kezekte ǵylymı-zertteý qyzmetimen aınalysty, al daıyndyq barysynda qazaqstandyq bilim berý júıesinde qazirgi ýaqytta ózekti bolyp tabylatyn pánderdi zerttedi»,-deıdi oqý ornynyń ókilderi.
Osy turǵyda doktoranttar tańdap alǵan dıplomdyq jumystardyń taqyryptary óte qyzyqty. Mysaly, stýdentterdi oqytý kezinde úsh tildi - qazaq, orys jáne aǵylshyn tilin tıimdi paıdalanýdy zerdeleýge arnalǵan eńbekter bar. Ýnıversıtetterdiń alǵashqy kýrstarynda oqytý ádistemesine, ýnıversıtettegi oqý protsesin tıimdi etýge múmkindik beretin jetildirý ádisterine arnalǵan eńbekter de bar. Ózgeleri oqý bitirgen soń eńbek naryǵyna shyǵý sııaqty aspektilerdi zerttedi. Olar birinshiden Ýnıversıtet túlegi qandaı kásibı daǵdylarǵa ıe bolýy tıis, al ekinshi jaqtan, eńbek naryǵynda qandaı mamandarǵa suranys bar ekenin zerdeledi.
«Bolashaqta doktoranttarymyzdyń zertteýleri Qazaqstannyń bilim berý júıesi men ǵylym salasyn jetildirýge múmkindik beretin reformalardyń negizin quraıtyn bolady dep úmittenemiz»,-deıdi oqytýshylar.
