«Nazarbaev Ýnıversıteti» jáne Berklı zerthanasy plazmalyq fızıka salasyndaǵy jobany iske qosady
ASTANA. 24 tamyz. QazAqparat - «Nazarbaev Ýnıversıteti» jáne AQSh-tyń Berklı zerthanasymen yntymaqtastyqta plazmalyq fızıka salasyndaǵy jobany júzege asyrýdy josparlaýda,
dep habarlady Berklı Zerthanasynyń údetkish jáne termoıadrolyq zertteýler bóliminiń dırektory Stıven Gerlı Pm.kz saıtyna bergen suhbatynda.
«Nazarbaev Ýnıversıtetimen» yntymaqtasý sheńberinde biz plazmalyq fızıka jáne organıkalyq fotovoltaık salasyndaǵy 2 jobany iske asyrýdy josparlaýdamyz, biz úshin bul jobalar óte mańyzdy, sebebi «Nazarbaev Ýnıversıtetinde» de bizdiń zerthanadaǵydaı, osy baǵyttarǵa qyzyǵýshylyq tanytatyn ǵalymdar bar», - dedi S.Gerlı.
Plazmalyq fızıka salasyndaǵy joba óndiristiń qosymsha qýatynyń qurylysyn salýdy jáne ýnıversıtet bazasynda bólshekterdi tezdetkishterdi qurýdy talap etedi dedi ol.
Spıkerdiń aıtýynsha, ǵylymı jobalar balamaly energetıkany damytýǵa jáne jasyl energııany qurýǵa baǵyttalǵan.
«Organıkalyq fotovoltaıkter salasyndaǵy jobalar - bul serpindi sıpattaǵy jobalar, sebebi bir jaǵynan olar kóptegen elder úshin kókeıkesti másele bolyp otyrǵan energııa jetispeýshiligi máselelerin qozǵaıdy, ekinshi jaǵynan jasyl energııany damytýdy da qozǵaıdy», - dep jalǵady ol sózin.
Búgingi kúni atalǵan jobalar boıynsha jobalyq tapsyrystar daıyndalyp, qaraýǵa berilgen, maquldanǵannan keıin olardy júzege asyrýǵa kirisý múmkin bolýy yqtımal.
