Nazarbaev Ýnıversıteti jańa fakýltetter ashyp jatyr
ANA. 21 maýsym. QazAqparat - /Aqbota Kúzekbaı/ - Halyqaralyq seriktes joǵary oqý oryndarynyń delegatsııasy 19-21 maýsym aralyǵynda Nazarbaev Ýnıversıtetinde resmı issaparmen boldy.
Osy sapardyń qorytyndysy boıynsha, búgin Ýnıversıtette baspasóz máslıhaty ótýde. Onyń kún tártibindegi basty másele - jańa oqý jylynan bastap ýnıversıtette ashylatyn úsh mektepti (fakýltetti) - Injenerııa, Ǵylym jáne tehnologııalar, Áleýmettik jáne gýmanıtarlyq ǵylymdar mektepterin tanystyrý boldy.
Nazarbaev Ýnıversıtetiniń biregeı tujyrymdamasyna sáıkes, ár akademııalyq baǵdarlama álemniń úzdik joǵary oqý oryndarynyń qataryna kiretin halyqaralyq ýnıversıtettermen seriktestikte ázirlenip otyr. Seriktes-ýnıversıtetpen birlesip oqý baǵdarlamasy jasalady, oqý standarttary jáne oqý quraldarynyń tizimi bekitiledi, sondaı-aq professorlyq-oqytýshylar quramy tartylady.
Baspasóz máslıhatyna Nazarbaev Ýnıversıtetiniń rektory Shıgeo Katsý myrza, Ýnıversıtettiń Foundation baǵdarlamasy jáne Injenerııa mektebi boıynsha seriktesi - London Ýnıversıteti kolledjiniń, Áleýmettik jáne gýmanıtarlyq ǵylymdar mektebiniń seriktesi - amerıkandyq Vıskonsın-Medıson Ýnıversıtetiniń, Ǵylym jáne tehnologııalar mektebiniń seriktesi - Karnegı Meldon Ýnıversıtetiniń resmı ókilderi qatysýda.
Nazarbaev Ýnıversıteti alǵashqy stýdentterin 2010 jyldyń kúzinde qabyldaǵan bolatyn. Qazir oqý ornynda Foundation baǵdarlamasy boıynsha bakalavrıattyń birinshi bazalyq kýrsynda 480 stýdent bilim alýda. Jańa oqý jylynda birinshi kýrsqa taǵy 500 stýdent qabyldanbaq.
