Nazarbaev Ýnıversıteti tolyqqandy bilim berý ortalyǵyna aınaldy - Memleket basshysy
ASTANA. QazAqparat - Nazarbaev Ýnıversıteti tolyqqandy bilim berý ortalyǵyna aınaldy. Bul týraly búgin Nazarbaev Ýnıversıtetiniń alǵashqy túlekterine dıplom tapsyrý rásiminde Elbasy Nursultan Nazarbaev aıtty.
«Bul elimizdegi bilim berý júıesiniń eń aıshyqty kúni bolyp sanalady. Sebebi álemdik deńgeıdegi tuńǵysh ýnıversıtet stýdentteriniń alǵashqy legin biz úlken álemge shyǵaryp otyrmyz.
Biz ýnıversıtetti qurǵanda bul jerde álemdik deńgeıdegi mamandar daıyndaýdy jolǵa qoıýdy maqsat etkenbiz. Búgin sol maqsat tolyq oryndaldy», - dedi Elbasy.
Memleket basshysy Ýnıversıtet túlekteriniń bilimi álemniń eń joǵarǵy oqý oryndarynyń talaptarymen tolyǵa túskenin basa aıtty.
«Bul meniń tikeleı bastamam men qamqorlyǵymnyń nátıjesinde júzege asqanyn bilesizder. Ustazdar qaýymynyń qajyrly eńbegi men tájirıbesiniń arqasynda múmkin boldy. Jas órenderimizdiń ǵylym kókjıegine degen qushtarlyǵy men izdenisi arqyly oryn aldy. Osylaı Nazarbaev Ýnıversıeti tolyqqandy bilim berý ortalyǵyna aınaldy», - dedi QR Prezıdenti.
