Nazarbaev ýnıversıteti «Talap» stıpendııasyn taǵaıyndaıdy
ASTANA. 7 tamyz. QazAqparat - Bıyl biz Nazarbaev ýnıversıtetinde «Talap» stıpendııasyn taǵaıyndap otyrmyz. Onyń aıasynda ýnıversıtette qyzmet etip júrgen jas ustazdar shetelge baryp, kásibı daıyndyqtaryn shyńdaı alady.
Bul týraly jýrnalısterge suhbat bergen Nazarbaev ýnıversıtetiniń Atqarýshy keńesi tóraǵasynyń orynbasary Qadısha Daıyrova málim etti.
«Bıyl bes maman úshin «Talap» stıpendııasy bólinip otyr. Olar shetelde magıstratýra men doktorantýra boıynsha bilim alatyn bolady. Ásirese, hımııalyq ınjenerııa, joǵary energııa sııaqty bolashaǵy bar salalarǵa negizgi basymdyq beriledi», - deıdi Q.Daıyrova.
«Talap» stıpendııasy boıynsha bilim alý júıesi «Bolashaq» baǵdarlamasyna negizdelgen. Biraq onda úı-jaıdy kepildikke salý mindeti joq. «Sebebi biz óz mamandarymyzdyń qaıtyp keletindigine senimdimiz», - deıdi Nazarbaev ýnıversıtetiniń Atqarýshy keńesi tóraǵasynyń orynbasary Q.Daıyrova. «Talaptyń» alǵashqy ıegerleri AQSh pen Ulybrıtanııada bilim alady.
