Nazarbaev Ýnıversıteti stýdentteriniń sany 2 myńnan asty

al oqytýshy-professorlar quramyndaǵy adamdar sany 250-ge jetti. Bıyl bilim ordasy Ýnıversıtet aldyndaǵy daıyndyq baǵdarlamasyna 536 tyńdaýshyny, bakalavrıat baǵdarlamasyna - 48 stýdentti, magıstratýra men doktorantýraǵa - 126 stýdentti qabyldady, dep habarlady bilim ordasynyń baspasóz qyzmetinen. «2013-2014 jyly Nazarbaev Ýnıversıtetiniń ýnıversıtet aldyndaǵy daıyndyq baǵdarlamasyna 536 talapker qabyldandy. Bıylǵy jylǵy talapkerlerdiń daıyndyq deńgeıiniń óte joǵary bolǵandyǵyn atap ótý qajet. Jalpy qabyldaý emtıhandaryn eń tómengi oqýǵa túsý talaptaryna sáıkes tapsyrǵan talapkerlerdiń sany 800 adamdy qurady. Salystyrý úshin: ótken jyly osyndaı talapkerlerdiń sany - 600, al onyń aldyndaǵy jyly 500-den sál ǵana astam bolǵan edi»,- delingen habarlamada. Ótken jyldardaǵydaı, oqýǵa túsýshiler arasynda eń tanymal bolyp tabylǵandar: Injenerııa mektebi men Ǵylym jáne tehnologııalar mektebi bolyp tabyldy, bul mektepterde oqýǵa qabyldanǵandardyń 43%-y oqıtyn bolady, talapkerlerdiń qalǵan 14%-y Gýmanıtarlyq jáne áleýmettik ǵylymdar mektebindegi mamandyqtar boıynsha bilim alatyn bolady. Sonymen qatar Ýnıversıtet tikeleı bakalavrıat baǵdarlamasyna 48 adamdy qabyldaıdy, olardyń ishinde Dublin Institute of Technology jáne Súleımen Demırel atyndaǵy ýnıversıtetterden eki stýdent aýysýǵa nıetin bildirip, Nazarbaev Ýnıversıtetine oıdaǵydaı oqýǵa qabyldandy. «2013 jyly Nazarbaev Ýnıversıtetinde úlken mańyzdy oqıǵa boldy. Biz tuńǵysh magıstrant-stýdentterimizge óz esigimizdi aıqara ashtyq, al Joǵary bilim berý mektebi tuńǵysh doktorant-stýdentterdi oqýǵa qabyldady. Biz úshin bul úlken maqtanysh», - dep atap ótti Nazarbaev Ýnıversıtetiniń Provosty Saımon Djons. Dál osy 2013 jyly Nazarbaev Ýnıversıteti magıstratýra men doktorantýra baǵdarlamalaryna tuńǵysh ret stýdentterdi qabyldaı bastady. Ýnıversıtettiń Joǵary mektepterine barlyǵy126 adam oqýǵa tústi. Atap aıtqanda, Joǵary memlekettik saıasat mektebine 22 adam oqýǵa tústi, magıstranttardyń kópshilik bóliginde memlekettik qyzmettegi jumys tájirıbesi bar. Joǵary bilim berý mektebine bıyl 74 magıstrant jáne 12 doktorant qabyldandy. PhD baǵdarlamasyna túskenderdiń arasynda bir halyqaralyq stýdent - Meksıka azamaty bar. Joǵary bıznes mektebinde qazirgi tańda Executive MBA (basshylarǵa arnalǵan bıznes-basqarý) baǵdarlamasynda 18 adam oqıdy. Stýdentterdiń basym bóligi - iri qazaqstandyq jáne halyqaralyq korporatsııalardyń top-menedjerleri. Qazirgi tańda Ýnıversıtet 2015 jyly Medıtsına mektebin ashýǵa daıyndalyp jatyr jáne Taý-ken isi mektebin ashý jumystaryn jalǵastyrýda.