«Nazarbaev Ýnıversıteti», «Nazarbaev Zııatkerlik mektepteri» jáne «Nazarbaev Qory» mártebesi týraly» qujat Senattyń jalpy otyrysynda talqylanady
ANA. 27 jeltoqsan. QazAqparat /Aıdar Ospanalıev/ - Búgin Parlament Senatynyń Áleýmettik - mádenı damý komıtetiniń keńeıtilgen otyrysynda «Nazarbaev Ýnıversıteti», «Nazarbaev Zııatkerlik mektepteri» jáne «Nazarbaev Qory» mártebesi týraly» zań jobasy talqylandy.
Sondaı-aq depýtattar «Qazaqstan Respýblıkasynyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly» zań jobasyn ortaǵa saldy.
Otyrysta atalmysh zań jobalary boıynsha baıandama jasaǵan Bilim jáne ǵylym vıtse-mınıstri Mahmetqalı Sarybekovtiń aıtýynsha, qujat Memleket basshysynyń halyqqa joldaǵan Joldaýynda aıtylǵan jáne elimizdiń 2020 jylǵa deıingi strategııalyq damý josparyndaǵy kórsetilgen mindetterdi júzege asyrý maqsatynda daıyndalǵan. «Sonymen qatar zań jobasy ýnıversıtetter men zııatkerlik mektepterdiń keń aýqymdy derbestigi men akademııalyq erkindigin damytýdy kózdeıdi. Buǵan qosa qujatta bilim berý salasyndaǵy eń úzdik álemdik tájirıbeni eskere otyryp, jańa bilim berý standarttaryn engizý úshin qajetti jaǵdaılar jasaý máselesi qarastyrylǵan», - dedi vıtse-mınıstr.
Qujat Parlament Senatynyń jalpy otyrysynda talqylanatyn boldy.
