Nazarbaev Ýnıversıteti men «University College London» Zııatkerlik mektepterde sabaq berý úshin 100 pedagog daıyndaıdy
ASTANA. 22 naýryz. QazAqparat - Qazir jumys istep turǵan jáne bolashaqta ashylatyn Nazarbaev zııatkerlik mektepteri úshin Nazarbaev Ýnıversıteti bazasynda pedagogtardy arnaıy daıyndaý aıasy keńeıtilip jatyr,
dep habarlady pm.kz saıty "Nazarbaev Zııatkerlik mektepteri" Derbes bilim berý uıymynyń baspasóz qyzmetine silteme jasap.
«2011-2012 oqý jyldary Nazarbaev Ýnıversıteti men «University College London» ýnıversıteti birlesip ázirlegen baǵdarlama boıynsha Nazarbaev zııatkerlik mektepteri úshin 100 pedagog daıyndaldy», delingen baspasóz qyzmettiń habarlamasynda.
Mysaly, Zııatkerlik mektepterdiń qyzmetkerleri ustazdardy, pedagogıkalyq bilim beretin joǵary oqý oryndarynyń túlekterin Aqtóbe, Oral, Atyraý, Aqtaý, Taraz, Shymkent, Kókshetaý, Petropavl, Almaty, Qaraǵandy jáne Pavlodar qalalarynda Nazarbaev Ýnıversıtetinen jyldyq kýrs alýǵa bolatyny týraly aqparattandyrdy.
«Brıtandyq keńespen birlese otyryp Astana, Almaty, Oral qalalarynda aǵylshyn tilinen IELTS emtıhany uıymdastyrylǵan. Baıqaý qorytyndysy boıynsha 100 oqytýshy iriktelip alynyp, oqýdan ótýde», - delingen mekteptiń baspasóz qyzmeti taratqan aqparatta.
