«Nazarbaev Ýnıversıteti» men «Nazarbaev Intellektýaldyq mektepteri» úshin erekshe uıymdastyrýshylyq-quqyqtyq forma qurylatyn bolady
ASTANA. Qyrkúıektiń 30-y. QazAqparat /Muratbek Maqulbekov/ - «Nazarbaev Ýnıversıteti» men «Nazarbaev Intellektýaldyq mektepteri» úshin erekshe uıymdastyrýshylyq-quqyqtyq forma qurylatyn bolady. Májilistiń baspasóz qyzmeti habarlaǵandaı, bul týraly Májiliste ótken «Nazarbaev Ýnıversıteti», «Nazarbaev Intellektýaldy mektepteri» jáne «Nazarbaev qory» mártebesi týraly Zań jobasynyń tanystyrylymy barysynda belgili boldy.
Tanystyrylymǵa QR bilim berý vıtse-prezıdenti Mahmetǵalı Sarybekov pen «Nazarbaev Intellektýaldy mektepteri» AQ basqarmasynyń tóraǵasy Kúlásh Shámshıtdınova qatysty. «Nazarbaev Ýnıversıteti» AQ-nyń prezıdenti Aslan Sarınjıpov hattama oqyp, depýtattardyń suraqtaryna jaýap berdi.
A.Sarınjıpov atap ótkendeı, zań jobasyndaǵy negizgi jańalyqtar: bilim berý basqarmasyna zamanaýı qurylymdardyń engizilýi, akademııalyq erkindik berý, respýblıkalyq bıýdjet pen maqsatty kapıtal qory arqyly qarjylandyrýdyń jańa formasy, sheteldik jumys kózin tartýdyń biryńǵaılandyrylǵan tártibi. Zań jobasy Ýnıversıtet pen mektepter úshin erekshe uıymdastyrýshylyq-quqyqtyq formany - bilim berýdiń avtonomdy kommertsııalyq emes uıymyn qurýdy kózdeıdi.
