Nazarbaev Ýnıversıteti magıstrlik baǵdarlamalarǵa talapkerlerdi qabyldaı bastady

Sonymen, Joǵary bıznes mektebi «Basshylarǵa arnalǵan bıznes-ákimshilik etý» baǵdarlamasy boıynsha (Executive MBA) oqytýdy usynyp otyr. Executive MBA baǵdarlamasy boıynsha oqytý kommertsııalyq negizde júrgiziletin bolady. Qabyldanǵan stýdentter oqýlaryn 2013 jyly bastaıdy. Joǵary bıznes mektebiniń áriptesi Dıýk Ýnıversıtetiniń Fýkýa bıznes mektebi (AQSh) bolyp tabylady.

Óz kezeginde, Joǵary bilim berý mektebi «Bilim berý salasyndaǵy ǵylym magıstri» baǵdarlamasyna qujattardy qabyldaı bastady. Joǵary bilim berý mektebiniń birinshi oqý semestri aǵymdaǵy jyldyń qyrkúıek aıynda bastalady. Mekteptiń eki halyqaralyq áriptesi bar - Pensılvanııa Ýnıversıteti (AQSh) jáne Kembrıdj Ýnıversıteti (Ulybrıtanııa). Mektep osy baǵdarlama boıynsha oqý granttaryn usynady.

Sonymen qatar Nazarbaev Ýnıversıteti 2013-2014 oqý jylyna Daıyndyq ortalyǵyna talapkerlerdi qabyldaý jumystaryn jalǵastyryp jatyr. Tirkeý ýnıversıtettiń saıtynda 2012 jylǵy 1 qarashada bastaldy jáne 2013 jylǵy 30 qańtarda tún jarymda aıaqtalady. Aǵylshyn tilin meńgerý boıynsha talapkerler úshin alǵashqy emtıhan Astana jáne Almaty qalalarynda aǵymdaǵy jyldyń aqpan aıynyń basynda ótedi. 2013 jylǵy 17 qańtardaǵy jaǵdaı boıynsha 9 elden 2300-den astam ótinim kelip tústi.

Ótinimder Qazaqstannyń barlyq aımaqtarynan kelip túsip jatyr. Tirkelgen talapkerlerdiń sany boıynsha birinshi orynda Astana q. (19,5 %), sodan keıin Almaty q. (18%) jáne Shyǵys Qazaqstan oblysy (10%). Sondaı-aq Albanııadan, Úndistannan, Qytaıdan, Qyrǵyz Respýblıkasynan, Reseı Federatsııasynan, Amerıka Qurama Shtattarynan jáne Ózbekstannan 13 ótinim kelip tústi. Talapkerlerdi tirkeý ýnıversıtet portaly arqyly júrgiziledi.

Tańdap alynǵan fakýltetterdiń ishinde aldyńǵy qatarda Injenerııa mektebi (matematıka jáne fızıka), Gýmanıtarlyq jáne áleýmettik ǵylymdar mektebi (arnaıy pándik emtıhandar - matematıka jáne synı oılaý), Ǵylym jáne tehnologııalar mektebi (matematıka jáne fızıka). Talapkerlerdiń 51% qyzdar. Sonymen qatar 2013 jyldyń naýryzynda Nazarbaev Ýnıversıteti bakalavrıat baǵdarlamasyna tikeleı túskisi keletin, sondaı-aq basqa da ýnıversıtetterden aýysqysy keletin stýdentterdi de qabyldaıtyn bolady.

2012 jyldyń kúzinde 506 talapker Nazarbaev Ýnıversıtetiniń Daıyndyq ortalyǵynda (Foundation baǵdarlamasy) oqýlaryn bastady. Sondaı-aq 31 adam bakalavrıat baǵdarlamasyna tústi jáne Petropavl men Almatynyń ýnıversıtetterinen kelgen eki stýdent ózderiniń daıyndyq deńgeılerin rastady jáne Nazarbaev Ýnıversıtetine oqýǵa qabyldandy.

2013-2014 jyly memleket Nazarbaev Ýnıversıtetiniń Daıyndyq ortalyǵynda oqýǵa 500 grant bólip otyr. Sonymen qatar, 2013 jyldyń naýryzynda ýnıversıtet tikeleı oqýǵa túskisi keletin jáne basqa ýnıversıtetterden aýysqysy keletin úmitkerlerge, sondaı-aq granttyq negizde talapkerlerge tirkeýdi bastaıdy.

Nazarbaev Ýnıversıteti Kommýnıkatsııa jáne marketıng departamenti:

010000, Astana, Qabanbaı batyr dańǵyly, 53, kab.1115

+7(7172)706090, 706087, 706089, 706131

pressa@nu.edu.kz, www.nu.edu.kz