Nazarbaev Ýnıversıteti kásibı deńgeıdegi mamandardyń basty ustahanasy bolýy tıis - Á. Jaqsybekov
ASTANA. QazAqparat - Astana ákimdiginde qalalyq qurylymdar men «Nazarbaev Ýnıversıtetiniń» kásipkerlik, ınnovatsııa, bilim berý, densaýlyq saqtaý, qoǵamdyq qaýipsizdik salalaryndaǵy yntymaqtastyǵy jáne ózara qarym-qatynasy máseleleri talqylandy. Bul týraly elorda ákimdiginiń baspasóz qyzmetinen habarlady.
Astana qalasynyń ákimi Ádilbek Jaqsybekovtiń tóraǵalyǵymen ótken jıynǵa JOO basshylary men qalalyq qurylymdardyń basshylary qatysty.
Jıyndy asha otyryp, ákim «Nazarbaev Ýnıversıtetiniń» qyzmeti Astana úshin de, jalpy elimiz úshin de mańyzdy ekenin atap ótti.
«Ýnıversıtet elimizdiń, elordasy Astananyń ınnovatsııalyq damýyn qamtamasyz etetin jas joǵary kásibı deńgeıdegi mamandardyń basty ustahanasy bola alady jáne bolýǵa tıis», - dedi Ádilbek Jaqsybekov.
«Nazarbaev Ýnıversıtetiniń» basshylyǵyna bıznes-qurylymdar men ekonomıka salasyndaǵy sarapshylardyń bilim ordasynyń qyzmetine zor qyzyǵýshylyq tanytatynyn jetkizdi. Sondaı-aq, elordanyń damýyna baılanysty seriktestiktiń birneshe perspektıvti baǵytyn belgilep berdi. Atap aıtqanda, JOO men qalalyq bilim berý júıesiniń arasynda aqparatpen, ozyq jobalarmen jáne tájirıbemen jan-jaqty almasý, birlesip olımpıadalar, ǵylymı jobalar baıqaýlaryn ótkizý. Ádilbek Jaqsybekov Astana úshin basym baǵyttardyń biri aqparattyq tehnologııalar salasy ekenin aıtty.
«Nazarbaev Ýnıversıtetiniń» qyzmetkerleri men stýdentteri Astanada «aqyldy qyzmet kórsetýdi» engizý boıynsha jańa tehnıkalyq sheshimder ázirleýge zor úles qosatynyna senimdimin. Qyzyǵýshylyq tanytqan stýdentterge jalpy qala boıynsha osyndaı jobalardyń úılestirýshisi bolyp tabylatyn «Astana Innovations» AQ tájirıbeden ótýdi usynamyz», - dedi ákim.
Sonymen qatar, Astana JOO ınnovatsııalyq jobalaryn iske asyrýdyń basty alańyna aınalýy kerektigi, bul úshin barlyq jaǵdaı jasalyp jatqany atap ótildi.
Jastar saıasaty salasyndaǵy yntymaqtastyqqa toqtala kele, qala basshysy stýdentterdi «EKSPO-2017» halyqaralyq mamandandyrylǵan kórmesiniń volonterlik korpýsynyń qurylýy aıasynda «Volonterlik mektep» jobasyna qatysýǵa tartý qajet ekendigin erekshe atap ótti. Astana ákimi elorda jastary men mektep oqýshylarynyń «Nazarbaev Ýnıversıtetine» degen qyzyǵýshylyǵyn eskere otyryp, atalǵan JOO-da ekskýrsııalar men ashyq esik kúnderin uıymdastyrýdy usyndy.
Óz kezeginde, «Nazarbaev Ýnıversıtetiniń» prezıdenti Shıgeo Katsý ýnıversıtettiń maqsattarynyń biri Astananyń halyqaralyq ınnovatsııalar, bıznes jáne bilim ortalyǵy retinde qalyptasýyna úles qosý ekenin aıtty.
