Nazarbaev Ýnıversıteti qamqorshylyq keńesi joǵary oqý ornynyń 2010 jylǵy jeke jáne shoǵyrlandyrylǵan qarjylyq eseptiligin bekitti
ASTANA. 28 shilde. QazAqparat. Nazarbaev Ýnıversıteti qamqorshylyq keńesi joǵary oqý ornynyń 2010 jylǵy jeke jáne shoǵyrlandyrylǵan qarjylyq eseptiligin bekitip, ýnıversıtettiń áleýmettik saıasaty men ınfraqurylymyn damytý jónindegi máselelerdi talqylady.
QR Premer-Mınıstri Kárim Másimovtiń tóraǵalyǵymen Nazarbaev Ýnıversıteti qamqorshylyq keńesiniń ekinshi kezdesýinde osy máseleler talqylandy. Qamqorshylyq keńes derbes bilim berý uıymy mártebesine ıe bolyp otyrǵan joǵary oqý ornynyń basqarý organy bolyp tabylady. Keńes 10 adamnan qurylǵan, ýnıversıtet qamqorshylyq keńesiniń tuńǵysh jáne qazirgi tóraǵasy QR Premer-Mınıstri Kárim Másimov bolyp tabylady.
«Nazarbaev Ýnıversıteti», «Nazarbaev Zııatkerlik mektepteri» jáne «Nazarbaev Qory» mártebesi týraly» QR Zańyna sáıkes Nazarbaev Ýnıversıtetiniń osyndaı prıntsıpteri jarııalanǵan: derbestik jáne ózin-ózi basqarýshylyq; akademııalyq erkindik; bilimniń, ǵylym men óndiristiń ıntegratsııasy; sheshimder qabyldaýdyń alqalylyǵy; áleýmettik jaýapkershilik jáne aıqyndyq.
