Nazarbaev Ýnıversıteti ınnovatsııalyq-ıntellektýaldyq klasterdiń ortalyǵyna aınalady
ASTANA. 21 maýsym. QazAqparat - «Nazarbaev Ýnıversıtetiniń» aınalasynda jańa tehnologııalardyń tasymaly men olardyń qurylýyna kómektesetin ınnovatsııalyq-ıntellektýaldyq klaster qurylýda, keıin ol óndiriske engiziledi, dep habarlady Pm.kz. saıtyna bergen suhbatynda Nazarbaev Ýnıversıtetiniń Ǵylym jónindegi ortalyq keńseniń dırektory Ǵanı Nyǵymetov.
Onyń aıtýynsha, búgingi tańda ýnıversıtette 65 ǵylymı-zertteý jumysy júzege asyrylýda, olardyń ishinde 19 jobany memlekettik tapsyrys retinde Bilim jáne ǵylym mınıstrligi júzege asyryp otyr. Sondaı-aq ýnıversıtet ǵylymı ortalyqtardyń 11 granttyq jobasyn júzege asyrýda. «Jáne de bıyl bizdiń ustazdarymyz stýdentterdi tarta otyryp, 35 jobany iske asyrýda. Bul jobalardyń barlyǵyn ýnıversıtet óz esebinen qarjylandyryp otyr», - deıdi Ǵ.Nyǵymetov.
Onyń sózine qaraǵanda, jobalardyń barlyǵy iske asyrylý satysynda, olardyń negizgi maqsaty nátıjege qol jetkizý. «Bul jobalardyń maqsaty - nátıjeni óndiriske engizý nemese olardy kommertsııalandyrý. Osy mejege jetý úshin ýnıversıtette kommertsııalandyrý keńsesi qurylyp, tujyrymdama daıyndalyp jatyr jáne Elbasynyń tapsyrmasy boıynsha ýnıversıtet aınalasynda ınttelektýaldyq-ınnovatsııalyq klaster qurylýda», - deıdi Ǵanı Nyǵymetov.
Sondaı-aq ýnıversıtette jańa qurylymdyq bólim - ǵylym jónindegi Ortalyq keńse qurylǵan. Keńse ǵalymdar men zertteýlerge tehnıkalyq jáne uıymdastyrý salasynda qoldaý kórsetetin bolady.
«Keńseniń negizgi maqsaty - ǵalymdar men zertteýlerge barynsha tehnıkalyq qoldaý kórsetý», - dep túıindedi Ǵ.Nyǵymetov.
