Nazarbaev ýnıversıteti Halyqaralyq energetıkalyq agenttigimen áriptesik ornatty
ASTANA. 3 naýryz. QazAqparat /Arman Asqarov/ - Búgin Astanada Nazarbaev ýnıversıtetiniń Energetıkalyq zertteýler ortalyǵy men Halyqaralyq energetıkalyq agenttigi arasynda ózara yntymaqtastyq týraly kelisim-shartqa qol qoıyldy.
Taza energetıkalyq tehnologııalar sımpozıýmy aıasynda ótken qol qoıý rásimine Halyqaralyq energetıkalyq agenttiginiń atqarýshy dırektorynyń orynbasary Rıchard Djons jáne Nazarbaev ýnıversıtetiniń Energetıkalyq zertteýler ortalyǵynyń dırektory Qanat Baıgarın qatysty. Atalǵan qujatqa sáıkes taraptar energetıkalyq zertteýler salasynda ózara aqparat almasatyn bolady. «Búgingi tańda Nazarbaev ýnıversıtetinde úsh birdeı ǵylymı-zertteý ortalyǵy bar. Onyń biri - energetıkalyq zertteýler ortalyǵy. Osy ortalyq aıasynda atqarylyp jatqan jemisti jumystyń taǵy bir nátıjesi ol - búgingi ózara yntymaqtastyq týraly kelisim-shart. Osy qujattyń arqasynda biz óz tájirıbemizdi shyńdap, Halyqaralyq energetıkalyq agenttigimen ortaq jumysty júrgizetin bolamyz», - deıdi Q.Baıgarın.
