Nazarbaev Ýnıversıteti aýmaǵynda Qazaqstannyń geologııalyq barlaý ortalyǵynyń qurylysy bastalady
ASTANA. QazAqparat - 2014 jyly Nazarbaev Ýnıversıteti aýmaǵynda Qazaqstannyń geologııalyq barlaý ortalyǵynyń qurylysy bastalady. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Indýstrııa jáne jańa tehnologııalar vıtse-mınıstri Nurlan Saýranbaev málim etti.
«Geologııalyq ortalyqtyń qurylysy osy jyldan bastap Nazarbaev Ýnıversıtetiniń aýmaǵynda bastalatyn bolady. Onda geologtardyń tolyqqandy qalashyǵy qurylyp, muraǵat bazasynan bastap, zamanaýı zerthanalarǵa deıin geologııalyq klasterge qajettiniń barlyǵy shoǵyrlanady. Qazaqstanda búgingi tańda kásibı zerthanalar joq, sondyqtan biz zertteý men saraptamalardy Qyrǵyzstanda, Reseıde jasatamyz. Bul durys emes, sebebi ol geologııalyq úlgiler týraly aqparatty taratýǵa bolmaıdy, ol óte baǵaly málimet. Endi mine osy geologııalyq baza Nazarbaev Ýnıversıtetinde jınalady. Barlyq kompanııalar osynda bolady», - dedi N. Saýranbaev.
