Nazarbaev Ýnıversıteti aıryqsha mártebesinen aıyryla ma – Saıasat Nurbektiń jaýaby

Nazarbaev Ýnıversıtetinde bilim alý qunyna qatysty burmalaýshylyq kóbeıip tur. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy Kazinform.

«Nazarbaev Ýnıversıtetiniń mártebesi «Nazarbaev Ýnıversıteti, Nazarbaev zııatkerlik mektepteri jáne qory mártebesi týraly» jeke zań naqty aıqyndalǵan. Sondyqtan birden aıtaıyn, bul zańdy joıa almaımyz nemese qandaı da bir ózgertý engize almaımyz, engizbeımiz de. Bizdiń maqsatymyz – osy ýnıversıtettiń jalpy áleýetin saqtaý. Bul tolyqqandy zertteý ýnıversıtetteriniń biri. Qazir ýnıversıtet tóńireginde oqý qunyna qatysty óte kóp spekýlıatsııa júrip jatyr. Іs júzinde onyń shyndyqqa saı emestigine sendirgim keledi», - dedi mınıstr Úkimet otyrysynan keıingi brıfıngte.

Degenmen, onyń aıtýynsha, ýnıversıtettiń joǵary qamqorshylyq keńesi jasaqtaldy. Ony Premer-Mınıstr basqarady.

«Ýnıversıtettiń qarjylyq quramdasyn saýyqtyrý, sonymen qatar onyń zertteý áleýetin kúsheıtý boıynsha naqty sharalar qabyldanbady. Óıtkeni, tamasha bazasy, ınfraqurylymy, zerthanalary bar. Endi ony tolyqqandy paıdalaný qajet. Sondyqtan qandaı da bir túzetý is-áreketteri bolady. Biraq, ýnıversıtettiń jalpy mártebesi men baǵytyn ózgerteıik dep otyrǵanymyz joq», - dedi Saıasat Nurbek.