Nazarbaev Ýnıversıetinde 1 stýdentti oqytý úshin qansha qarjy jumsalatyndyǵy belgili boldy
ASTANA. QazAqparat - Nazarbaev Ýnıversıtetinde bakalavrıat baǵdarlamasy boıynsha 1 stýdentti oqytýǵa 87 myń dollar jumsalady. Búgin Nazarbaev Ýnıversıteti túlekteriniń ekinshi saltanatty oqý bitirý rásiminde Elbasy Nursultan Nazarbaev osylaı dedi.
«Ýnıversıtette stýdentter úshin bilim alý tegin. Muny sizder túsinýlerińiz qajet. Álemniń birde-bir memleketi memleket esebinen oqytpaıdy. Ol jaqta stýdentterdiń jáne ata-analardyń esebinen bilim beredi. Nazarbaev Ýnıversıtetinde bakalavrıat baǵdarlamasy boıynsha oqytý quny 4 jylǵa ortasha eseppen 87 myń AQSh dollaryn, magıstratýra 36 myń dollardy quraıdy. Bul shyǵyndardyń barlyǵyn memleket jaýyp otyr. Óıtkeni, bizge, jas memleketke kadrlar qajet», - dedi Elbasy.
QR Prezıdenti ýnıversıtette álemdik deńgeıdegi úzdik jaǵdaı jasalǵanyn, memleket oqytý aqysyn, jol shyǵyndaryn ótep, shákirtaqy beretindigin aıtty.
«Bul - óte kóp qarjy. Sizder muny este saqtaýlaryńyz qajet. Sizderden qaıtarym kútetindigimizdi de qaperden shyǵarmalaýlaryńyz kerek», - dedi Memleket basshysy.
