Nazarbaev Ýnıversıadanyń ashylýynda: Biz eń únemdi əri yqshamdy oıyndar ótkizemiz

ASTANA. QazAqparat - Almatyda jalaýy jelbiregen 28-inshi Dúnıejúzilik qysqy Ýnıversıada oıyndarynyń daıyndyǵyna baǵa bergen Prezıdent Nursultan Nazarbaev bul jarys Qazaqstan úshin eń tıimdi jəne eń yqshamdy bolatynyn aıtty, dep habarlaıdy QazAqparat.

"Biz eń tıimdi, únemdi, yqshamdy jarys ótkizip jatyrmyz. Bul jobaǵa quıylǵan ınvestıtsııalar qazaqstandyqtardyń ıgiligine jaraıdy. Jańa sport arenasy buqaralyq sport túrleriniń toǵysqan ortasyna aınalady. Al, Atletıka aýyly Almatydaǵy 1700 otbasyǵa qoljetimdi əleýmettik baspana retinde berilip, jańa shaǵyn aýdan paıda bolady",-dedi Elbasy.

Memleket basshysy atap ótkendeı, Almatyda bastalǵan 28-inshi Dúnıejúzilik qysqy Ýnıversıada oıyndaryn əlemniń 43 telearnasy  80 elge taratady. Al, Ýnıversıada oıyndaryn tamashalaıtyn aýdıtorııa 1 mlrd adamǵa jetedi degen boljam bar.