Nazarbaev Túrkııanyń burynǵy prezıdentin mereıtoılyq medalmen marapattady
Kezdesýde Memleket basshysy Qazaqstannyń sońǵy jyldary jetken jetistikteri men elimizde iske asyrylyp jatqan mańyzdy jobalar jóninde aıtty.
- Biz Shanhaı yntymaqtastyq uıymynyń sammıtin ótkizdik. Qazir Astanada «EKSPO-2017» halyqaralyq kórmesi ótýde. Oǵan ózderiniń ulttyq pavılondaryn ashý úshin túrli memleketterdiń basshylary kelip jatyr, - dedi Qazaqstan Prezıdenti.
Nursultan Nazarbaev Túrik Respýblıkasynyń burynǵy prezıdentiniń ekijaqty baılanystardyń nyǵaıýyna zor úles qosqanyn atap ótip, onyń Qazaqstan halqyna degen qurmeti úshin rızashylyq bildirdi.
A.Gúl Qazaqstannyń halyqaralyq qaýipsizdik pen beıbitshilikti nyǵaıtýǵa jumsaǵan kúsh-jigeriniń mańyzdy ekenin aıtyp, elimizdiń Sırııa qaqtyǵysyn retteýdegi qadamdaryn joǵary baǵalady.
Memleket basshysy Túrik Respýblıkasynyń burynǵy prezıdentin «Qazaqstan Respýblıkasynyń Táýelsizdigine 25 jyl» mereıtoılyq medalimen marapattady.