Nazarbaev Temirtaý shahtalaryndaǵy tragedııalar úshin jaýapkershilik arqalaı ma?

Nazarbaev «ArsellorMıttal Temirtaý» shahtalaryndaǵy tragedııalar úshin jaýapkershilik arqalaı ma? Úkimet otyrysynan keıin ótip jatqan baspasóz konferentsııasynda Premer-Mınıstrdiń orynbasary Tamara Dúısenovaǵa osyndaı suraq qoıyldy, dep habarlaıdy Kazinform.

«Jeke pikirlerińizdi aıtyńyzdarshy. Osy kásiporyndy tıyn-tebenge satyp jibergen, 100-den astam adamnyń ólimine jol bergen Nursultan Nazarbaev qylmystyq bolmasa da, tym bolmaǵanda jeke moraldik jaýapkershilik arqalaýy kerek pe?», - dep surady BAQ ókili brıfıngtegi Úkimet múshelerinen.

Suraqqa Premer-Mınıstrdiń orynbasary Tamara Dúısenova ǵana jaýap berdi

«Áriptester, biz sizdermen birge ómirdiń 30 jyldyq kezeńin ótkerdik qoı. Aýyspaly kezeń óte aýyr boldy. Ekonomıkalyq baılanystardyń bári úzilip, jumys oryndaryn, kásiporyndy saqtaý problemaǵa aınaldy. Qazir de sondaı másele qoıylyp otyr. Bizdiń jaǵdaıda qazir kásiporyn álem ekonomıkasyna ıntegratsııalanǵan. Ol kezde búkil baılanysty úzgen edik. Sondyqtan ol kezde de sheteldik ınvestordy tartyp, kásiporynnyń jumysyn qamtamasyz etý kerek boldy. Qazir ol kezde durys sheshim qabyldandy nemese teris sheshim qabyldandy dep aıta almaıtyn shyǵarmyz. Eń bastysy qazir ol kásiporyn jumys istep tur. Endi ári qaraı jumys isteı berýi kerek», - dedi ol.