Nazarbaev tek otandyq qol saǵatty taǵatyn boldy
"Men - jas kásipkermin. Qazir 25 jastamyn jáne 4 kompanııam bar. Onyń bireýiniń ózi jylyna 168 mln. teńge tabys tabady, 33 jumys ornyn qamtamasyz etip otyr. "Otan" brendimen saǵat jasaıtyn kásipornym "Qazaqstanda jasalǵan" jobasyn iske asyrýǵa úles qosýda. Sizdiń tapsyrmańyzben júzege asyrylyp jatqan "Bıznestiń jol kartasy-2020" baǵdarlamasynyń arqasynda bizdiń kásiporyn zor serpin aldy. Sol sebepti Sizge zor alǵys aıta otyryp, Sizge arnap jasaǵan qol saǵatty syıǵa tartpaqpyz", - dedi jas kásipker Táýelsizdik saraıynda Respýblıkalyq jastar forýmynda.
Forým barysynda A. Tosqanbaev Prezıdenttiń qolyna saǵatty ózi taǵyp berdi.
"Endi tek ózimizdiń otandyq saǵattardy ǵana taǵamyz, shveıtsarııalyqty taqpaımyz",-dedi N. Nazarbaev.
Esterińizge sala keteıik, bıyl qyrkúıek aıynda Táýelsizdik qurdasy Arman Tosqanbaevpen "QazAqparat" tilshisiniń suhbaty jarııalanǵan edi.
