Nazarbaev sýdıalar aldyndaǵy basty mindetti atady
ASTANA. QazAqparat - Sot bıligi azamattardyń quqyqtaryn qamtamasyz etetin eldigimizdiń berik tuǵyrlarynyń biri.
Bul týraly búgin Respýblıka sýdıalarynyń VII sezinde Qazaqstan Prezıdenti Nursultan Nazarbaev málim etti, dep habarlaıdy QazAqparat.
«Búgin Qazaqstan Respýblıkasy Táýelsizdiginiń 25 jyldyǵy qarsańynda sot bıligi azamattardyń quqyqtaryn, qoǵam men memleket múddelerin qamtamasyz etetin eldigimizdiń berik tuǵyrlarynyń biri bolyp tabylatyndyǵyn aıryqsha atap ótkim keledi. Endi aldymyzda sot júıesiniń básekege qabilettilik deńgeıin jáne oǵan qoǵamdyq senimdi arttyrý mindeti tur. Olaı bolsa, sýdıalyq jumystyń aldaǵy sharýasy óte kóp», - dedi Nazarbaev.
Sonymen qatar Memleket basshysy Qazaqstan sýdıalary aldynda turǵan joǵary maqsattar men mindetterge qol jetkizý jolynda sýdıalardyń atqaryp jatqan jumystaryna zor tabys jáne densaýlyq tiledi.
Aıta keteıik, sezd jumysynyń bastalar aldynda Memleket basshysyna elektrondy sot tóreliginiń jetistikteri, sondaı-aq Qazaqstandaǵy sot bıliginiń qalyptasý tarıhy týraly kórme tanystyryldy. Sharaǵa sýdıalar korpýsy, Parlament depýtattary, ortalyq memlekettik organdardyń basshylary, sondaı-aq zańgerler qaýymdastyǵynyń, halyqaralyq uıymdardyń, BAQ pen ÚEU ókilderi shaqyryldy. Barlyǵy 600-den astam delegat pen forým qonaqtary qatysýda.
