Nazarbaev reformasynan aýyl xalqy úlken paıda kóredi - sarapshy
ASTANA. QazAqparat - «Parasat» júıeli zertteýler ınstıtýtynyń bas sarapshysy Alýa Joldybalına, Prezıdent Nursultan Nazarbaevtyń Qazaqstan halqyna arnaǵan «Qazaqstannyń úshinshi jańǵyrýy: jahandyq básekege qabilettilik» taqyrybyndaǵy joldaýy aýyl sharýashylyǵynyń damýyna kóp yqpal etedi degen pikirde, dep xabarlaıdy QazAqparat.
Sarapshynyń aıtýynsha, bıylǵy Joldaý edáýir keshendi jáne el ekonomıkasyn qurylymdyq jańǵyrtýǵa baǵyttalǵan.
Onyń atap ótkenindeı, sál erterek jarııa etilgen saıası reformalarmen qatar Joldaýda aıtylǵan mindetter Qazaqstan damýyna belgili bir serpin bermek.
«Joldaýda 2016 jyly ekonomıkanyń draıveri bolǵan salalarǵa, sonyń ishinde aýyl sharýashlyǵyna úlken mańyz berilgendigin atap ótken jón. Sondyqtan ekonomıkalyq ósimniń draıverleri retinde osy salalar belgilengen. Qujat xalyqtyń kóńilinen shyqty deýge bolady, sebebi qazaqstandyqtardyń 43 paıyzy aýylda turady. Prezıdent tapsyrǵan mindetter boıynsha, ekonomıkany kóteretin tetikterdiń biri aýyl xalqynyń qolynda bolmaq. Onyń ústine jappaı kásipkerlikti damytý baǵdarlamasy da aýyl men aýdandarda bıznesti qyzdyra túsýi kerek», - dedi ol.
Eske sala keteıik, Elbasy óziniń Joldaýynda agrarlyq sektor ekonomıkanyń jańa draıverine aınalýy kerek dep aıtqan bolatyn.
«Qazaqstannyń agroónerkásip kesheniniń bolashaǵy zor. Kóptegen pozıtsııalar boıynsha biz álemde iri agrarlyq eksporttyq ónim óndirýshilerdiń biri bola alamyz. Bul, ásirese, ekologııalyq taza taǵamdarǵa qatysty. «Made in Kazakhstan» brendi sondaı ónimderdiń etalony bolýy tıis. Sonymen qatar, astyq ónimderi boıynsha biz Eýrazııada «nan kárzeńkesi» bolýymyz kerek. Shıkizat óndirisinen sapaly óńdelgen ónim shyǵarýǵa kóshý qajet. Tek sonda ǵana biz halyqaralyq naryqtarda básekege qabiletti bola alamyz», - dedi Prezıdent.
