Nazarbaev Peterbýrgtegi terakt týraly: Terrorızmde shekara joq

ASTANA. QazAqparat - «Mır» telearnasyna bergen eksklıýzıvti suhbatynda Qazaqstan Prezıdenti Peterbýrg metrosynda bolǵan jarylys týraly aıtty.

«Sankt-Peterbýrgte bolǵan oqıǵalar qazaqstandyqtardyń alańdaýshylyǵyn týdyrdy. Men reseılikterdiń qaıǵysyn bólisetinimdi aıtyp, osyndaı el basyna kún týǵan qıyn-qystaý kúnde olarmen birge ekenimizdiń jetkizdim. Bul terrorızm áreketiniń shekara degendi bilmeıtindigin kórsetedi. Ol kez kelgen ýaqytta, kez kelgen jerde bolýy múmkin»,-dedi Nazarbaev.

Aıta keteıik, 3 sáýir kúni metroda bolǵan terakt kezinde 14 adam mert boldy. Sonyń ishinde aldyn ala boljanyp otyrǵan jankeshti de bar. 50-den astam adam zardap shekti.