Nazarbaev Pákistandaǵy ushaq apatyna baılanysty kóńil aıtty
ASTANA. QazAqparat - Elbasy Nursultan Nazarbaev Pákistan Islam Respýblıkasynyń Prezıdenti Mamnýn Hýseınge kóńil aıtý jedelhatyn joldady, dep habarlady Aqordanyń baspasóz qyzmeti.
Jedelhatta Pákistandaǵy ushaq apaty saldarynan adamdardyń qaza bolǵany týraly habardy Memleket basshysynyń zor kúızelispen qabyldaǵany aıtylǵan.
Nursultan Nazarbaev orny tolmas qaıǵyǵa ortaqtasyp, Qazaqstan halqynyń jáne jeke óziniń atynan qaza bolǵandardyń týystary men jaqyndaryna, sondaı-aq barsha Pákistan halqyna kóńil aıtty.
