Nazarbaev Ortalyǵynda «Saq kóseminiń qorǵany» atty jańa zal ashylady
Oǵan QR Prezıdenti Ákimshiliginiń qyzmetkerleri, QR Úkimetiniń músheleri, memlekettik organdardyń (mınıstrlikter men agenttikter), dıplomatııalyq korpýstardyń, joǵarǵy oqý oryndarynyń ókilderi, qoǵam qaıratkerleri, ǵalymdar qatysady.
«Saq kóseminiń qorǵany» ekspozıtsııalyq zaly ataqty Berel qazbalarynyń arheologııalyq zertteýiniń nátıjesi bolyp tabylady. Bereldik qazbalar elimizdiń mádenı jáne ǵylymı ómirindegi aıtýly oqıǵa boldy.
Nazarbaev Ortalyǵynyń arnaıy jasaqtalǵan zalyna er adam men áıel adamnyń sarkofagy, úsh jylqynyń qańqasy, jylqynyń ábzeldengen jabdyǵynyń rekonstrýktsııasy men jekelegen buıymdarynyń túpnusqasy qoıyldy. Barlyǵy - 40 eksponat.
Berel qorymyndaǵy iri obalardyń birine (№11 oba) Á.H. Marǵulan atyndaǵy arheologııa ınstıtýtynyń halyqaralyq arheologııalyq ekspedıtsııasy qazba jumystaryn júrgizdi. Reseı, Italııa, Frantsııa memleketterinen mamandar arnaıy shaqyryldy. Ekspedıtsııaǵa Berel obalaryn tapqan qazaqtyń belgili arheology Zaınolla Samashevjetekshilik etti. Qaıtalanbas ári asa qundy qazbalardy qaıta qalpyna keltirý jumystarymen sýretshi-jańǵyrtýshy Qyrym Altynbekov aınalysty.
Shara barysynda Berel qorǵanyndaǵy qazba jumystary kezinde túsirilgen derekti fılm usynylady.