Nazarbaev ortalyǵynda «Saq kóseminiń qorǵany» atty jańa zal ashylady

«Іs-shara Qazaqstan Respýblıkasynyń Konstıtýtsııasy kúnine oraı uıymdastyrylady. «Saq patshasynyń qorǵany» ekspozıtsııalyq zaly ataqty Berel qorǵanyna júrgizilgen qazba jumystarynyń nátıjesi bolyp tabylady», - delingen atalǵan ortalyqtyń baspasóz qyzmeti taratqan málimette.

Yqylym zamandardan jetken qazynany qalyń buqaraǵa nasıhattaý úshin Nazarbaev ortalyǵynda arnaıy zal jasaqtaldy. Ol zalǵa er adam men áıel adamnyń sarkofagy, úsh jylqynyń qańqasy qoıylǵan. Sonymen qatar jylqynyń saltanatpen ábzeldengen jabdyǵynyń rekonstrýktsııasy men onyń jekelegen buıymdaryndaǵy usaq-túıekteri de kórsetilgen. Nazarbaev ortalyǵynyń arnaıy zalyna qoıylǵan kósemdi nemese kóshpeli aqsúıek ókilin qabirleýdegi jylqynyń ekspozıtsııalyq jınaqtama beınesi kelýshilerdi Bereldiń baıyrǵy turǵyndarynyń jumbaq álemine jeteleıdi.

Berel qorymyndaǵy iri obalardyń birine Á.H.Marǵulan atyndaǵy Arheologııa ınstıtýtynyń halyqaralyq arheologııalyq ekspedıtsııasy qazba jumystaryn júrgizdi. Reseı, Italııa, Frantsııa memleketterinen mamandar arnaıy shaqyrylyp, ekspedıtsııaǵa Berel obalaryn tapqan qazaqtyń belgili arheology Zaınolla Samashev jetekshilik etti. Qaıtalanbas ári asa qundy qazbalardy qaıta qalpyna keltirý jumystarymen sýretshi-restavrator Qyrym Altynbekov aınalysty.

Qorymda júrgizilgen ǵalymdardyń qazba, zerttemelik jáne restavratsııalyq iri jumystary Nazarbaev ortalyǵynyń murajaıyna kelýshilerge b.z.d. І myńjyldyqtyń ekinshi jartysy men aıaǵyndaǵy Qazaqtyń Altaıyn mekendegen halyqtyń mádenıetin tanyp bilýge zor múmkindik beredi.

Berel qorymy Qazaqtyń Altaı jerinde, Shyǵys Qazaqstan oblysynyń Qatonqaraǵaı aýdanyndaǵy ózi attas aýyldan ońtústik batysqa qaraı 7 shaqyrym qashyqtyqta ornalasqan. Ol taspen qalanǵan 31 obadan turady. Qorym Buqtyrma ózeniniń oń jaǵasyndaǵy bıik taýly ásem jazyqta teńiz deńgeıinen 1120 metr bıiktikte tur. Berel obalarynyń derekterine 1998 jyldan ǵylymı jáne restavratsııalyq jumys júrgizile bastady.

Berelden tabylǵan qazbalar elimizdiń mádenı jáne ǵylymı ómirindegi aıtýly oqıǵa boldy. Qorymda júrgizilgen qazba jumystary b.z.d. І myńjyldyqtyń ekinshi jartysy men aıaǵyndaǵy Qazaqtyń Altaıyn mekendegen halyqtyń mádenıetin tanyp bilýge jaǵdaı jasady.

Qazbalardyń basym bóligi № 11 obadan tabyldy. Máńgi toń qabaty obadan tabylǵan artefaktilerdiń búgingi kúnge buzylmaı jetýine sebepshi boldy jáne b.z.d. IV-III ǵasyrlarda ómir súrgen Saq kósemine tıesili salt attyń saltanatpen jabdyqtalǵan ábzelderine naqty ǵylymı ári tolymdy rekonstrýktsııa jasaý múmkindigin týǵyzdy.