Nazarbaev ortalyǵynda «Qazaqstannyń bolashaǵy - qazaq tilinde» atty kórme ashyldy
ASTANA. 6 qarasha. QazAqparat - Búgin Astanadaǵy Nazarbaev ortalyǵynda «Til janashyry» qurmet belgisiniń 26 ıegeri kitaphana men murajaı qyzmetkerleri daıyndaǵan «Qazaqstannyń bolashaǵy - qazaq tilinde» atty kórmemen tanysty.
«Árıne, ekonomıkamyz, elimizdiń saıasaty dúnıe júzine tanylý jaǵynan kóńil kónshitse de, memlekettik tildiń mártebesiniń áli de óz tuǵyryna qonbaı jatqany jalpy eldi alańdatady. Degenmen búgingi ashylyp otyrǵan kórmeden qazaq tiliniń damýyna qanshalyqty jumystar atqarylǵanyn kórýge bolady. Munda qoıylǵan ádistemelik quraldardan memlekettik tildiń teorııalyq ta, ádistemelik te negizderi qalanǵanyn kórip otyrmyz», - dep atap ótti L. N. Gýmılev atyndaǵy Eýrazııa ulttyq ýnıversıteti Jýrnalıstıka jáne saıasattaný fakýltetiniń dekany Qaırat Saq. Onyń aıtýynsha, Elbasy N. Nazarbaev óziniń jyl saıynǵy joldaýlarynda memlekettik tildiń máselesine mańyz berip kele jatyr. Degenmen, qazaq tili tuǵyrǵa qoný úshin árbir qazaq balasy tynbaı eńbek etýi kerek. Aıta keteıik, atalǵan kórme erteń, ıaǵnı 7 qarashada elimizdiń túkpir-túkpirinde qazaq tiliniń damýyna eleýli úles qosyp, eńbek etip júrgen jandarǵa «Til janashyry» qurmet belgisin berý saltanaty aıasynda ótkizilip otyr.
