«Nazarbaev Ortalyǵynda» Halyqaralyq murajaı kúnine arnalǵan ashyq esik kúni ótedi

«Sondaı-aq shara aıasynda «Murajaı: ǵasyrlardyń arqaýy» kitap kórmesimen tanysýǵa zor múmkindik týyp, saltanatty kontsert te uıymdastyrylady. Kontserttiń shymyldyǵy «Saryarqa» ulttyq aspaptar ansambliniń oryndaýyndaǵy Qurmanǵazynyń «Balbyraýyn» kúıimen ashylady. Baǵdarlama boıynsha dombyra, sybyzǵy, qobyz, jetigen syndy ulttyq aspaptarda óner kórsetilip, jeke nómirlerde halyq ánderi oryndalady», - delingen habarlamada.
Halyq kúıi «Sary ózen», halyq áni «Ǵazıza gúl», «Sáýlem-aı» jáne N.Tilendıevtiń «Álqıssa» shyǵarmalary qaı kezde de ónersúıer qaýymnyń yqylasyna ıe. Bul joly da elorda ónerpazdary dástúrden jańylmaıdy. Kontsertte «Qazaqtyń ánderinen popýrrı» oryndalady. Halyqaralyq «Shabyt» festıvaliniń Bas júldegeri Danııar Muqan, Shyǵys Mahan (sybyzǵy), Halyqaralyq «Shabyt» festıvaliniń laýreaty Aıdana Erejepova, Kúnsulý Turlybekova, Baıan Musaeva, Jazgúl Danylbaeva, Gúljan Mustahım (qylqobyz), Qarakóz Gasımova (jetigen), Respýblıkalyq Á.Qashaýbaev atyndaǵy baıqaýdyń Bas júldegeri Perızat Turarova, Halyqaralyq baıqaýlardyń laýreaty Symbat Tasbergenova, Erjan Toqsabanov, Baýyrjan Joldybekov (dombyra) án men kúıden, jyrdan shashý shashady. Orystyń halyq ánderi men ýkraın halqynyń mýzykalyq shyǵarmalaryn QR Eńbek sińirgen qaıratkeri Tatıana Hasıanova, QR Eńbek sińirgen ártisi Ǵalııa Baıǵazınova, Qazbek Dosmuhanbetov jáne QR Mádenıet qaıratkeri Estaı Muqashev naqyshyna keltirip oryndaıdy.
Merekelik sharaǵa belgili qoǵam jáne memleket qaıratkerleri, Astana turǵyndary men qonaqtary, jalpy dástúrli ónerdiń janashyrlary shaqyrylady. Sondaı-aq ǵylym men mádenıet ókilderi, joǵary oqý oryndarynyń stýdentteri de qatysady.
Baǵdarlama 50 mınýtqa josparlanǵan. Shara uıymdastyrýshylary - «Nazarbaev Ortalyǵy» memlekettik mekemesi jáne Astana qalasynyń Memlekettik fılarmonııasy.