«Nazarbaev ortalyǵy» Tuńǵysh Prezıdenttiń álemdik deńgeıdegi qaıratkerligin elimizge jáne búkil álemge pash etýmen aınalysatyn bolady - Q. Saýdabaev
ASTANA. 24 qańtar. QazAqparat /Qanat Mámetqazyuly/ - «Nazarbaev ortalyǵy» Tuńǵysh Prezıdent N. Nazarbaevtyń álemdik deńgeıdegi qaıratkerligin elimizge jáne búkil álemge pash etýmen aınalysatyn bolady.
Búgin elordadaǵy Prezıdenttik mádenıet ortalyǵy ujymynyń aldynda jańadan qurylǵan «Nazarbaev ortalyǵy» kópfýnktsıonaldy ǵylymı-taldaý jáne gýmanıtarlyq aǵartý memlekettik mekemesiniń dırektory bolyp taǵaıyndalǵan Qanat Saýdabaev osylaı málimdedi. Esterińizge sala keteıik, ujymǵa jańa basshyny Qazaqstan Respýblıkasynyń Memlekettik hatshysy Muhtar Qul-Muhammed tanystyrǵan bolatyn.
«Nazarbaev ortalyǵy» jańa qurylymynyń negizgi maqsaty - bul qazaq halqynyń uly tulǵasy Elbasy N. Nazarbaevtyń sońǵy 20 jylda Qazaqstan táýelsizdigine sińirgen eńbegin jınaqtap kórsetý. Sonymen qosa, Ortalyq Prezıdent N. Nazarbaevtyń álemdik deńgeıdegi qaıratkerligin, Elbasynyń jahandyq tynyshtyq pen beıbitshilikti saqtaýǵa qosqan úlesin elimizge jáne álemge pash etýmen aınalysatyn bolady. Búgingi tańda N. Nazarbaev tulǵasy álemdegi bedeldi saıası qaıratker retinde qalyptasqan jáne halyqaralyq deńgeıde qabyldanǵan jaǵdaı. Jańa qurylǵan mekemeniń osy maqsatty óz deńgeıinde atqarýǵa kúsh-qýaty, bilimi men qabileti jetedi jáne sol baǵytpen baılanysty bolady dep senemin», - deıdi Q. Saýdabaev.
Sonymen qatar, jańa basshy ujymnyń aldynda úlken sharýalar turǵanyna toqtalyp, jemisti jumys atqarylatynyna senim bildirdi.
