Nazarbaev ortalyǵy men NÝ beıbitshiliktiń qazaqstandyq modelin ilgeriletetin jobalardy birlesip iske asyrady

NUR-SULTAN. QazAqparat - Konfessııaaralyq jáne órkenıetaralyq dıalogty damytý jónindegi Nursultan Nazarbaev ortalyǵy Basqarmasynyń Tóraǵasy Altaı Ábıbýllaev pen Nazarbaev Ýnıversıtetiniń Prezıdenti Shıgeo Katsý yntymaqtastyq týraly memorandýmǵa qol qoıdy, dep habarlaıdy QazAqparat tilshisi.

Konfessııaaralyq jáne órkenıetaralyq dıalogty damytý jónindegi Nursultan Nazarbaev ortalyǵy baspasóz qyzmetiniń habarlaýynsha, memorandýmnyń maqsaty – Ortalyq pen Nazarbaev Ýnıversıteti arasynda birlesken is-sharalar ótkizý, dıalogtyq alańdar men dinaralyq, konfessııaaralyq jáne órkenıetaralyq dıalogty ilgeriletýge baǵyttalǵan dıskýssııalyq alańdar ashý, dinı dárister, dinı kóshbasshylardyń, kórnekti memleket qaıratkerleriniń, ǵalymdardyń, ortalyq ókilderiniń qatysýymen tulǵalyq dárister men saraptamalyq kezdesýler ótkizý.

Taraptar seriktestik qatynastardy damytýǵa, konfessııaaralyq jáne etnosaralyq kelisimniń, toleranttylyqtyń, úılesim men beıbitshiliktiń qazaqstandyq biregeı modelin ilgeriletýge baǵyttalǵan perspektıvalyq jobalardy iske asyrýda aqparattyq qoldaý kórsetýge bar kúsh salýǵa daıyn.

Aıta keteıik, Nazarbaev Ýnıversıteti Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń bastamasymen ashylǵan. Ýnıversıtet otandyq bilim berý júıesiniń artyqshylyqtary men álemdegi eń ozyq tájirıbeni biriktiretin Qazaqstandaǵy ulttyq bilim berýdiń brendi sanalady.

Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń mıssııasy – Qazaqstan Respýblıkasynyń Tuńǵysh Prezıdenti – Elbasynyń konfessııaaralyq jáne órkenıetaralyq dıalogty saqtaý jáne qamtamasyz etý jónindegi bastamalaryn ilgeriletý, Álemdik jáne dástúrli dinder lıderleri Seziniń ıdeıalaryn halyqaralyq deńgeıde tanymal etý, halyqaralyq dıalogty ilgeriletý boıynsha jańa bastamalardy damytý.