«Nazarbaev» ortalyǵy «Ashyq esik kúni» aktsııasy ótkizdi

«Nazarbaev ortalyǵy» murajaıynyń ekskýrsııa bólimi 1 maýsym balalardy qorǵaý kúnine oraı, «Ashyq esik kúni» aktsııasyn ótkizdi. Bul kúni murajaıda tegin ekskýrsııa júrgizilip, kelýshilerge jan-jaqty maǵlumat berildi. Osy kúni Astana qalasyndaǵy №32, №6, №37, №10 mekteptiń oqýshylary, sondaı-aq Zerendiden de arnaıy mektep oqýshylary kelip, murajaıdyń zaldaryn aralady, qundy jádigerlermen keńirek tanysty», - delingen ortalyq taratqan aqparatta.

Kelýshiler «Qazaq álemi» zalyndaǵy I.Tasmaǵambetovtyń jeke kollektsııasyna, «Qasıet» zalyndaǵy Abylaı hannyń altyn zerli qamqa tony syndy jádigerlerge  zor qyzyǵýshylyq tanytty. Etnografııa zalyna qoıylǵan babalar murasymen jaqyn tanysqan oqýshylardyń tarıhı tanym kókjıegi keńı tústi.