Nazarbaev ortalyǵy álemniń jáne Qazaqstannyń kıeli jerleri boıynsha vırtýaldy týr usynady
«Dúnıejúzine taralyp otyrǵan indet jaǵdaıynda halyq oqshaýlanyp, saqtyq úshin karantın talaptaryn saqtaýǵa májbúrli. Degenmen, bul jaǵdaıdy paıdaly ári rýhanı turǵydan bilimińizdi keńeıtý úshin paıdalanýǵa shaqyramyz. Osy rette, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy mádenıetter men dinderdiń órkenıettik baı murasy men tarıhyn kórsetý maqsatynda «Álemdik jáne dástúrli dinderdiń kıeli ári qasıetti jerleriniń vırtýaldy týrlaryn» jınaqtap, oqyrman nazaryna usynady», - dep atap ótedi atalǵan ortalyqtyń baspasóz qyzmetinen.
ZD formatyndaǵy Kıeli jerlerdiń týrlary arqyly álemdik jáne dástúrli dinderdiń tarıhı eskertkishterimen, onyń ishinde ıslam dininiń kıeli mekeni – Mekkedegi Qaǵbamen, Ierýsalımdegi – Akshardham hramymen, Bodhaıa býddalyq qasıetti ortalyqpen, Sıntoıstik Itsýkýsımamen tanysýǵa múmkindik bar. Qazaqstanda áıgili «Áziret Sultan» murajaı kesheniniń de vırtýaldy kórinisin tamashalaýǵa bolady. Onyń ishinde Qoja Ahmet ıAsaýı, Rabıǵa Begim Sultan, Esim Han, Gaýhar Ana mazarlary men Qylýet jer asty meshitiniń kórinisi usynylǵan.
«Sondyqtan, elimizdiń qaı aımaǵynda bolmasyn barlyq qyzyǵýshylyq tanytýshy oqyrmandar dinı jáne mádenı eskertkishterdiń baı murasymen tanysyp, rýhanı kemeldenýge qadam jasaı alady. Usynylǵan vırtýaldy týrlarmen Ortalyǵymyzdyń resmı áleýmettik jelilerinen tanysýǵa bolady» delingen taratylǵan aqparatta.
