Nazarbaev oblys ákimderiniń negizgi jumysyn aıtty
«Bizder úshin agrarlyq sektor óte mańyzdy ekendigin bilemin. Biz onymen jumys isteýge tıispiz. Energetıka men ınfraqurylym da mańyzdy. Degenmen, ındýstrıaldy damý memlekettik baǵdarlamasyn qoldaý qajet jáne eń bastysy, aqshany qaıda jumsaý qajettigin bilý kerek», - dedi Nazarbaev.
Osy rette Prezıdent aqshamyzdyń da qazirgi ýaqytta kóp emestigin, degenmen aldaǵy kúnnen úmit bar ekendigin basa aıtty.
«Men 2017 jyly mys pen alıýmınıı jáne qara metall baǵasynyń kóteriletindigine jáne bizdiń kóńil-kúıimizdiń jaqsaratyndyǵyna senimdimin. Qazir munaı 54 dollar. Bul da bizdi qanaǵattandyrady. ıAǵnı, qarjy paıda bolǵan kezde qarqyndy damý úshin ındýstrıalandyrýǵa barynsha qoldanatyn bolamyz. Tek bizdiń mamandar qaıda jiberý jáne ne isteý kerektigin bilýi tıis», - dedi Elbasy.
Memleket basshysy otandyq taýardy eksportqa shyǵaratyn Kavkaz, Parsy shyǵanaǵy, Qytaı jáne Reseı syndy úlken naryqtar bar ekendigin atap ótti.
«ıAǵnı, básekelestik jumystar joq. Óndirdiń be, baryp kóz jetkiz jáne sat. Tipti Reseı men Qazaqstan oblystarynyń óńiaralyq kezdesýlerinen de sizder úkimetti aralastyrmaı-aq birlesken tıimdi ister jasaı alasyzdar. Ákimder jumys isteýi qajet, sizderdiń basqa jumystaryńyz joq. Básekege qabiletti ónim shyǵarý jáne sol ónimdi satýǵa kómektesý qajet», - dedi Elbasy.
