Nazarbaev Mırzıeevti Ózbekstan Prezıdenti laýazymyna kirisýimen quttyqtady

ASTANA. QazAqparat - Qazaqstan Respýblıkasynyń Prezıdenti Nursultan Nazarbaev Ózbekstan Respýblıkasynyń Prezıdenti Shavkat Mırzıeevpen telefon arqyly sóılesti, dep habarlaıdy Aqordanyń baspasóz qyzmeti.

Áńgime barysynda Shavkat Mırzıeev Nursultan Nazarbaevty Qazaqstan Respýblıkasy Táýelsizdiginiń 25 jyldyǵymen quttyqtap, halqymyzdyń odan ári ósip-órkendeýine tilektestik bildirdi.

Nursultan Nazarbaev Shavkat Mırzıeevti Ózbekstan Respýblıkasynyń Prezıdenti laýazymyna resmı túrde kirisýimen quttyqtady.

Sondaı-aq, eki el kóshbasshylary ekijaqty qarym-qatynastyń qazirgi jaǵdaıy men perspektıvalaryn talqylap, Qazaqstan men Ózbekstan yntymaqtastyǵyn jandandyrýdyń mańyzdylyǵyn atap ótti.

Telefon arqyly sóılesýge Ózbekstan jaǵy bastamashy boldy.