Nazarbaev Mırzıeevpen Qazaqstan men Ózbekstannyń yntymaqtastyq perspektıvalaryn talqylady

ASTANA. QazAqparat - Qazaqstan Respýblıkasynyń Prezıdenti Nursultan Nazarbaev Ózbekstan Respýblıkasy Prezıdentiniń mindetin atqarýshy Shavkat Mırzıeevpen telefon arqyly sóılesti, dep habarlaıdy Aqordanyń baspasóz qyzmeti.

Áńgime barysynda Nursultan Nazarbaev Shavkat Mırzıeevti bıylǵy 4 jeltoqsanda Ózbekstan Respýblıkasynyń Prezıdenti saılanýyna kandıdatýrasynyń usynylýymen quttyqtady.

Taraptar elderimizdiń saýda-ekonomıkalyq qarym-qatynas aıasyn keńeıtýge tyń serpin bergen úkimetaralyq baılanystardyń jandanýyna oń baǵa berdi.

Áńgimelesý kezinde ekijaqty yntymaqtastyqty odan ári damytý perspektıvalaryna basa nazar aýdaryldy.