Nazarbaev Mınskidegi Jeńis monýmentine gúldestesin qoıdy

MINSK. QazAqparat - Qazaqstan Prezıdenti Nursultan Nazarbaev Belarýsqa resmı sapary aıasynda Jeńis monýmentine gúldestesin qoıdy, dep habarlaıdy QazAqparat tilshisi Mınskiden.

Aıta keteıik, Belarýs Respýblıkasyna memlekettik jáne resmı saparlar barysyndaǵy hattamalyq is-sharalar aıasynda Mınsk qalasyndaǵy Jeńis monýmentine gúldestesin qoıý sharasy mindetti túrde qarastyrylǵan.

Jeńis monýmenti Ekinshi dúnıejúzilik soǵystaǵy jeńistiń qurmetine oraı ornatylǵan. Ol Belarýs astanasynyń negizgi nyshandarynyń biri sanalady jáne Ekinshi dúnıejúzilik soǵystaǵy jeńis kúnine arnalǵan túrli sharalar ótetin oryn retinde esepteledi.

Monýment qalanyń Jeńis alańyna 1954 jyly ornatylǵan. Al 1961 jyldyń 3 shildesinde eskertkish túbindegi máńgilik alaýdy Mınsk qalasynyń qurmetti azamaty, Keńes Odaǵynyń Batyry general-polkovnık A.Býrdeınyı jaqqan.