Nazarbaev mektebiniń oqýshylary Tuńǵysh Prezıdent kúnine oraı flesh-mob ótkizdi

ASTANA. QazAqparat - Astana qalasyndaǵy Nazarbaev Zııatkerlik mektebiniń oqýshylary "Asia park" oıyn-saýyq ortalyǵynda Qazaqstan Respýblıkasynyń Tuńǵysh Prezıdenti kúnine oraı merekelik flesh-mob uıymdastardy.

Búgin Zııatkerlik mekteptiń 40-qa jýyq kúıshisi kópshilik aldynda Qurmanǵazynyń «Balbyraýyn», «Adaı», «Kóruǵly» kúılerin shertti. Bul týraly Astana qalasyndaǵy Nazarbaev Zııatkerlik mektebiniń baspasóz qyzmeti habarlady.

Qazaqstandyq patrıotızmdi qalyptastyrý, ujymnyń aýyzbirshiligin arttyrý maqsatynda ótken sharaǵa oqýshylar birneshe apta buryn daıyndalǵan.

Saýda ortalyǵyna kelgen qonaqtar aıaq astynan bolǵan tosyn syıdyń erekshe áserli bolǵandyǵyn atap ótti. «Qazaqtyń qońyr dombyrasy shertilgende boıymyzdy eljandylyq sezim kernep, kúı delebemizdi qozdyrdy», - deıdi kórermender.

Aıta keteıik, elimizdiń barlyq oblys ortalyqtary men qalalaryndaǵy 20 Nazarbaev Zııatkerlik mektepteriniń oqýshylary «Biz - Uly dala urpaǵymyz» atty flesh-mobty bir ýaqytta oryndady.