Nazarbaev Mádenıet salasynda memlekettik stıpendııalar taǵaıyndaý týraly Jarlyqqa ózgerister engizdi

Bul týraly Aqordanyń baspasóz qyzmetinen habarlady.

«Mádenıet salasynda memlekettik stıpendııalar taǵaıyndaý týraly» Qazaqstan Respýblıkasy Prezıdentiniń 2000 jylǵy 3 sáýirdegi № 369 Jarlyǵyna ózgerister engizý týraly

QAÝLY ETEMІN:

1. «Mádenıet salasynda memlekettik stıpendııalar taǵaıyndaý týraly» Qazaqstan Respýblıkasy Prezıdentiniń 2000 jylǵy 3 sáýirdegi № 369 Jarlyǵyna (Qazaqstan Respýblıkasynyń PÚAJ-y, 2000 j., № 18, 185-qujat) mynadaı ózgerister engizilsin:

taqyryby mynadaı redaktsııada jazylsyn:

«Qazaqstan Respýblıkasynyń Tuńǵysh Prezıdenti - Elbasynyń mádenıet salasyndaǵy memlekettik stıpendııasyn taǵaıyndaý týraly»;

1, 2-tarmaqtar mynadaı redaktsııada jazylsyn:

«1. Qazaqstan Respýblıkasynyń Tuńǵysh Prezıdenti - Elbasynyń mádenıet salasyndaǵy jyl saıynǵy 75 memlekettik stıpendııasy aıyna 20 eselengen aılyq eseptik kórsetkish mólsherinde taǵaıyndalsyn.

2. Qazaqstan Respýblıkasynyń Úkimeti Qazaqstan Respýblıkasynyń Tuńǵysh Prezıdenti - Elbasynyń mádenıet salasyndaǵy memlekettik stıpendııasyna usynylatyn adamdardyń qajettigine qaraı jańartylyp otyratyn derbes quramyn jyl saıyn bekitýge usynsyn.».

2. Osy Jarlyq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

          Prezıdenti                                                                              N.Nazarbaev

Astana, Aqorda, 2016 jylǵy 15 qarasha

                 № 370