Nazarbaev Qyzylordadaǵy shyny óndiretin zaýyttyń qurylysymen tanysty

ASTANA. QazAqparat - Nursultan Nazarbaev Qyzylorda qalasynda jalpaq shyny óndiretin jáne óńdeıtin zaýyttyń qurylysymen tanysty, dep habarlaıdy QazAqparat Aqordanyń baspasóz qyzmetine silteme jasap.

Memleket basshysy Qazaqstannyń ındýstrııalyq-ınnovatsııalyq damý baǵdarlamasy arqyly salynyp jatqan zaýyttyń qurylysyn kórdi.
Sondaı-aq, Elbasy oblysta iske asyrylyp jatqan ınnovatsııalyq jobalar kórmesine bardy.
Sońynda Nursultan Nazarbaev zaýyt jumysshylarymen, jergilikti taýar óndirýshilermen jáne óńirde jumys istep jatqan sheteldik kompanııalardyń ókilderimen kezdesti.
- Elimizde ınvestorlardy tartý úshin qolaıly jaǵdaı jasaldy. Bul jumysty jalǵastyratyn bolamyz, - dedi Qazaqstan Prezıdenti.
Aıta keterligi, zaýyttyń óndiristik qýaty jylyna 197 myń tonna jalpaq shyny óndirýge jetedi. Bul ónim ishki naryqqa, sondaı-aq Reseı, Ózbekstan jáne Túrkııaǵa jetkiziletin bolady. Zaýyt 2018 jyly iske qosylady dep josparlanǵan.