Nazarbaev QHR tóraǵasy Sı Tszınpınge kóńil aıtty
ASTANA. QazAqparat - Elbasy Nursultan Nazarbaev Qytaı Halyq Respýblıkasynyń tóraǵasy Sı Tszınpınge kóńil aıtý jedelhatyn joldady.
Bul týraly Aqordanyń baspasóz qyzmetinen habarlady.
Memleket basshysy Tszıansı ólkesiniń Fenchen qalalyq okrýginde salynyp jatqan elektr stansasynda bolǵan apat saldarynan kóptegen adamnyń qaza tapqany týraly habardy zor kúızelispen qabyldady.
Nursultan Nazarbaev Qazaqstan halqynyń jáne jeke óziniń atynan Sı Tszınpınge, qaza bolǵandardyń otbasylary men jaqyndaryna kóńil aıtty, sondaı-aq zardap shekkenderdiń tezirek saýyǵyp ketýine tilektestik bildirdi.
