Nazarbaev «QazAvtoJol» týraly: Bári ury bolyp shyqty ma

ASTANA. QazAqparat - Memleket basshysy Nursultan Nazarbaev «QazAvtoJol» ulttyq kompanııasynyń jumysyn synǵa aldy, dep xabarlaıdy QazAqparat tilshisi.

«Quqyq qorǵaý organdary «QazAvtoJoldyń» barlyq derlik basshylyǵyn qamaýǵa aldy. Іshinde aımaqtyq fılıaldardyń jetekshileri de bar. Árıne, bul jaqsylyqtyń nyshany emes. Osynyń ózi qarjyny tıimdi ıgerý jáne jol sapasy boıynsha úlken kemshilikterdiń bar ekenin kórsetip otyr. Jeńis Qasymbek (Investıtsııalar jáne damý mınıstri - avt.) qaıda qarady? Ne boldy? «QazAvtoJoldyń» bári ury bolyp shyqty ma?», - dep surady N.Nazarbaev búgin Úkimettiń keńeıtilgen otyrysynda.

Mınıstr Jeńis Qasymbek «QazAvtoJol» ulttyq kompanııasy boıynsha sybaılas jemqorlyqqa qatysty qylmystyq isterdiń qozǵalǵanyn jetkizdi. Osy oraıda, Prezıdent normatıvterdi ózgertý qajettiligine toqtaldy.

«Jumysty oryndaǵanda biz normatıvke qaraımyz. Qazirgi normatıv eskirdi. Joldyń sapasyna basa nazar aýdarý qajet. Áıtpese, normatıvpen salady, normatıvpen aqsha alady. Memlekette aqsha kóbeıse, tábetteri de ashylady. Mınıstrlik ne úshin kerek? Memlekettik qarjynyń jumsalýyn qadaǵalaýy qajet. Bul - seniń (Jeńis Qasymbektiń - avt.) jumysyńdaǵy kemshilik», - dep atap kórsetti N.Nazarbaev.

Aıta keteıik, sońǵy úsh jylda avtomobıl joldaryn qurylysyna bıýdjetten 630 mlrd teńge bólindi.