Nazarbaev: Qazaqstannyń kelesi mejesi fýtboldan ÁCh ótkizý bolýy múmkin
ASTANA. QazAqparat - Aısultan Nazarbaev óziniń Facebook áleýmettik jelisindegi jeke paraqshasynda Qazaqstanda fýtboldan 2030 jylǵy álem chempıonatyn ótkizý armany týraly jazdy.
Aısultan Nazarbaev jelidegi jazbasyn keler jyly elimizde ótetin «EKSPO-2017» kórmesi jaıynda bastaǵan. 10 maýsymnan 10 qyrkúıekke deıin Astanaǵa mıllıondaǵan adam - mamandar men týrıster keledi. EKSPO - bul memleket pen onyń halqy úshin sózsiz tabys ákeletin aıtqysyz joba», - deıdi ol.
«Menińshe, memleket álemdik trendttermen úndese damýy úshin mundaı aýqymdy jobalar qajet. Jáne mundaı maqsattarǵa jetý Qazaqstannyń qolynan keledi: 2010 jylǵy EQYU sammıti jáne EKSPO-2017 - sonyń aıqyn dáleli. Atalmysh jobalardyń barlyǵynda Prezıdenttiń qoltańbasy bar. Men onyń minezin jaqsy bilemin. Ol erekshe strateg, eshteńeni bosqa istemeıdi. Ol sanap, aldyn ala esepteı alady. Nátıjesinde memleket qajetti nazarǵa jáne syrtqy kapıtalǵa ońaı qol jetkizedi», - dep jazdy A.Nazarbaev.
Odan ári ol, Qazaqstannyń kelesi makro-maqsaty fýtboldan álem chempıonatynyń ótkizilýi bolýy múmkindigin aıtady. Boljammen 2030 jyly. «Álem chempıonaty - bul jaı ǵana sporttyq jarys emes. Sońǵy ýaqytta bul týrnır qabyldaýshy el úshin damý katalızatoryna aınaldy. Munda is-sharamen baılanysty «qysqa» aqshalar, sondaı-aq týrıster leginiń joǵarylaýynan jáne halyqaralyq bıznes tarapynan nazardyń artýynan keletin «uzyn» aqshalar bar. Nátıjesinde syrtqy ınvestıtsııalar aǵylady. Tájirıbe kórsetip otyrǵandaı, fýtboldan álem chempıonaty eldiń jalpy damýynda qýatty draıver bola alady», - deıdi ol.
Nazarbaev álem chempıonatyn ótkizýge úmitker elderdiń kóptigi jáne qatań báseke Qazaqstanǵa tosqaýyl bolmaýy tıis. «Men muny jaı ǵana qalamaımyn, naqty aıtqanda, onyń iske asýyna Qazaqstannyń óz ishinde jáne tysqary aýmaqta qajetti barlyq kúsh-jigerimdi salýǵa josparlap otyrmyn», - dep túıindedi.
