Nazarbaev Qazaqstanda «Alibaba» qyzmetin damytýǵa qoldaý bildirdi
HANChJOÝ. QazAqparat - Qazaqstan Prezıdenti Nursultan Nazarbaev Qytaıǵa jumys sapary aıasynda iri qytaılyq «Alibaba Group» ınternet-kompanııasynyń negizin qalaýshy, dırektorlar keńesiniń tóraǵasy Djek Mamen kelissóz júrgizdi.
«Biz sizben Astanada kezdesken bolatynbyz, búgin mine osy jerde kezdesip otyrmyz. «Samuryq-Qazyna» ókilderi Sizdermen Qazaqstandaǵy yntymaqtastyq jaıly, Ortalyq Azııa, Reseı, Shyǵys Eýropa elderinde jumystardy taratý úshin Qazaqstanda kompanııanyń fılıalyn qurý múmkindigin talqylaǵan», - dedi kezdesýde N. Nazarbaev.
Djek Ma Qazaqstan Prezıdentinen óziniń ystyq iltıpatyn bildirdi.
«Ýaqyt bólgenińiz úshin rahmet! Sizdi búgingi tańda barsha qazirgi urpaq ókiliniń piri dese bolady. Qazaqstan Sizdiń myqty kóshbasshylyǵyńyz ben basshylyǵyńyzdyń arqasynda úlken jetistikterge jetýde, sizdi qatty qurmet tutamyn», - dedi ol.
«Alibaba» basshylyǵy kompanııanyń qyzmeti jaıly aıtty.
«ІJÓ turǵysynan kompanııamyz barsha álem boıynsha 20-shy orynda.
Sondaı-aq ınternet-salada AQSh, Qytaı, EO jáne Japoııadan keıin álemdegi 5-shi iri ekonomıkaǵa qol jetkizgimiz keledi. Osy jaǵynan Qazaqstan asa mańyzdy. Men Qazaqstanda boldym, eki ret QR Premer-Mınıstrimen jolyqtym. Qazaqstanda munaı-gaz salasynan qyzmet kórsetý sektoryna ótip, shaǵyn jáne orta bıznesti aıryqsha nazarǵa alýdy kózdep otyrmyz», - dep atap ótti ol.
«Budan basqa, biz qazaqstandyq taýarlardy Qytaıǵa satamyz», - dep atap ótti ol.
N. Nazarbaev Qazaqstanda «Alibaba» qyzmetin damytýdy qoldaıtynyn bildirdi.
«Bári tap osylaı. Sondyqtan Sizdiń kompanııamen yntymaqtastyqty qoldaımyn. Kompanııa barlyq shekaradan ótedi. Biz «Qorǵastan» bastaı alamyz», - dedi Memleket basshysy.
Eske salsaq, 1 qyrkúıekte N. Nazarbaev QHR tóraǵasy Sı Tszınpınniń shaqyrtýymen G20 sammıtine qatysý úshin Qytaıǵa keldi.
