Nazarbaev: Qazaq ulttyq horeografııa akademııasy Ortalyq Azııadaǵy tolyq tsıkldy bilim beretin alǵashqy joǵary oqý orny
Memleket basshysy A.Asylmuratovany jańa qyzmetke taǵaıyndalýymen quttyqtap, tabys tiledi.
Nursultan Nazarbaev akademııanyń Ortalyq Azııadaǵy kóp deńgeıli kásibı jáne horeografııalyq bilim beretin tolyq tsıkldy alǵashqy joǵary oqý orny ekendigine toqtaldy.
- Bul nysan barlyq talapqa saı keletin joba boıynsha salyndy. Atap aıtqanda, oqý korpýstary, oqytýshylar men oqýshylar úshin turǵyn úı keshenderi salyndy, demalys úshin jaǵdaılar jasaldy, medıtsınalyq qyzmet kórsetý múmkindigi qarastyrylýda. Akademııa EKSPO kórmesiniń Halyqaralyq qarjy ortalyǵy ornalasatyn aımaǵyna taıaý jerden oryn tepken, - dedi Qazaqstan Prezıdenti.
Elbasy balalar men jastardy shyǵarmashylyqqa jáne ónerge súıispenshilik rýhynda tárbıeleý qoǵamnyń basty mindetiniń biri bolyp sanalatynyn atap ótti.
Budan bólek, Nursultan Nazarbaev elimizdegi kóptegen horeografııalyq, mýzykalyq mektepter men shyǵarmashylyq ujymdar joǵary bilikti mamandarǵa muqtaj bolyp otyrǵanyna nazar aýdardy.