Nazarbaev ıspan sáýletshisi Kalatravamen «Astana sport sıtı» qurylysyn talqylady

ASTANA. QazAqparat - QR Prezıdenti Nursultan Nazarbaev «Calatrava Grace corporation» kompanııasynyń quryltaıshysy, tanymal ıspan sáýletshisi Santıago Kalatravamen kezdesti, dep habarlaıdy QazAqparattyń arnaýly tilshisi Arnur Rahymbekov Ábý-Dabıden.

Memleket basshysy tanymal sáýletshimen Astanada jeke kapıtaldyń qatysýymen júzege asyrylatyn birqatar ınfraqurylymdyq jobany, atap aıtqanda Sýly jasyl jelekti jańǵyrtý men «Astana sport sıtı» qurylysyn talqylady.

Tanystyrý barysynda Kalatrava  «Calatrava Grace corporation» kompanııasy qazirgi ýaqytta Dýbaıdyń  eń kórikti ǵımarattarynyń biri bolyp otyrǵan 828 metrlik «Býrdj-Halıva» záýlim ǵımaratynan da bıiktigi asyp túsetin Dubai Creek Tower ǵımaratyn salyp jatqandyǵyn atap ótti.