Nazarbaev: Iran taraby Qazaqstan aýmaǵynda geologııalyq zertteý jumystaryn júrgizýge múddeli
QR Prezıdenti sońǵy jyldary Qazaqstan men Iran arasynda aýyl sharýashylyǵy salasyndaǵy yntymaqtastyq qarqyndy damyp kele jatqanyn atap ótti.
«Qazirdiń ózinde ıran kompanııalary Qazaqstan aýmaǵynda jalpy quny 480 mln. dollar bolatyn aýyl sharýashylyǵy jobalaryn iske asyryp jatyr. Ol meniń jasaǵan saparymnyń nátıjesinde kelisilgen másele bolatyn. Biz Iranǵa tek astyq emes kúnbaǵys maıyn, raps, arpa, kúrish jáne basqa da agrarlyq ónimderdi tasymaldaýǵa múddelimiz jáne daıynbyz», - dedi Nazarbav.
Elbasy taý-ken metallýrgııa salasynda da ózara tıimdi yntymaqtastyqtyń ornap jatqanyn basa aıtty.
«Qaraǵandy oblysynda mys ken ornyn ıgerý ıran kompanııalarymen birge qolǵa alynýda. Iran taraby Qazaqstan aýmaǵynda geologııalyq zertteý jumystaryn júrgizýge múddeli. Biz ony qoldaımyz», - dedi Memleket basshysy.
