«Nazarbaev ıntellektýaldyq mektebi» orta bilim júıesine taralatyn bolady - QR Bilim mınıstri
ASTANA. Maýsymnyń 10-y. QazAqparat /Rýslan Ǵabbasov/ - «Nazarbaev ıntellektýaldyq mektebi» orta bilim júıesine taralatyn bolady. Bul týraly búgin Úkimet úıinde Qazaqstandaǵy bilim berýdi damytýdyń 2011-2020 jyldarǵa arnalǵan memlekettik baǵdarlamasyn talqylaý keńesinde Bilim jáne ǵylym mınıstri Janseıit Túımebaev málim etti,
dep habarlaıdy QazAqparat.
Mınıstrdiń sózine qaraǵanda, orta bilim berý salasynda 12 jyldyqqa tolyq kóshýdi júzege asyrý josparlanyp otyr. Sondaı-aq tolyq qamtylmaǵan mektepter problemasyn sheshý, qosymsha bilim berý júıesin damytý jáne basqa da kókeıkesti máseleler qarastyrylǵan. «12 jyldyq bilim berýge tolyq kóshýdi iske asyrý úshin úsh aýysymda oqytý, mektepterdiń apattyq jaǵdaıyn jáne oqýshylar ornynyń jetispeýshiligi máselesin joıý eskerilgen», dedi mınıstr.
Sondaı-aq ol óz sózinde joǵary satydaǵy «Beıindik mektep» jelisin damytý, sonymen qatar «Nazarbaev ıntellektýaldyq mektebi» orta bilim júıesine taralatynyn atap ótti.
