Nazarbaev Hasan Rýhanıdi Iran Prezıdenti bolyp saılanýymen quttyqtady

ASTANA. QazAqparat - Memleket basshysy Nursultan Nazarbaev Hasan Rýhanıdi Iran Islam Respýblıkasy Prezıdentiniń saılaýynda aıqyn jeńiske jetýimen quttyqtady. Bul týraly Aqordanyń baspasóz qyzmeti habarlady.

«Saılaýǵa azamattardyń belsene qatysyp, Sizdi jan-jaqty qoldaýy - saıası jáne ekonomıkalyq baǵdarlamalaryńyzǵa halyqtyń senimi artqanynyń dáleli.

Sizdiń basshylyǵyńyzben Iran óziniń damý jolynda jańa tabystarǵa qol jetkizetin bolady.

Qazaqstan men Iran arasyndaǵy dostyq pen ózara qoldaýǵa negizdelgen yntymaqtastyq elderimizdiń ıgiligi úshin jalǵasa beredi dep senemin.

Sizge zor densaýlyq, jaýapty qyzmetińizge tabys, al dostas Iran halqyna beıbit ómir jáne baq-bereke tileımin», - delingen jedelhatta.